ଅଟୋରୁ ୮୨ କେଜି ଗଞ୍ଜେଇ ଜବତ, ୨ ଗିରଫ
ଆର,ଉଦୟଗିରି(ମନୋଜ କୁମାର ପାଢୀ/୧୫/୭ ): ଗଜପତି ଜିଲ୍ଲା ଅଡବା ଥାନା ଅନ୍ତର୍ଗତ ମୁଠାଗୁଡା ନିକଟରେ ଗୋଟିଏ ଅଟୋରୁ ବିପୁଳ ପରିମାଣର ଗଞ୍ଜେଇ ଜବତ କରିଛି ପୁଲିସ। ଗଞ୍ଜେଇ ଚୋରା ଚାଲାଣରେ ସମ୍ପୃକ୍ତ ୨ ଜଣକୁ ଗିରଫ କରାଯାଇଛି. ସେମାନେ ହେଲେ ମୁଠାଗୁଡାର ନାମେଲ୍ୟ କୁମାର ଲିମା ଓ ପ୍ରଦୀପ ବିର। ପୁଲିସ ସୂତ୍ରରୁ ମିଳିଥିବା ସୂଚନା ପ୍ରକାରେ ରବିବାର ଏକ ଅଟୋରେ ନାମେଲ୍ୟ ଓ ପ୍ରଦୀପ ଗଞ୍ଜେଇ ନେଇ ରାୟଗଡ଼ା ଜିଲ୍ଲା ଅଞ୍ଚଳକୁ ଯାଉଥିଲେ। ଉଲିଆପଦା ନିକଟରେ ପୁଲିସ ଉକ୍ତ ଅଟୋକୁ ଅଟକାଇ ଯାଞ୍ଚ କରିଥିଲା । ଯାଞ୍ଚ ପରେ ଏଥିରେ ୮୨ କେଜି ୭୦୦ଗ୍ରାମ ଗଞ୍ଜେଇ ଚୋରାଚାଲାଣ ହେଉଥିବା ପୁଲିସ ଜାଣି ପାରିଥିଲେ. ଜବତ ଗଞ୍ଜେଇକୁ ବିଡ଼ିଓ ରାଜୀବ ଦାଶ ଓ ଏସଆଇ ସିନ୍ଧୁ ସାରକାଙ୍କ ଉପସ୍ଥିତରେ ଓଜନ କରାଯଇଥିଲା | ଅଧୂକ ତଦନ୍ତ ପରେ ଅଭିଯୁକ୍ତଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ବୋଲି ଥାନା ଅଧିକାରୀ ଶୁଭ୍ରାନ୍ତ ପଣ୍ଡା ସୂଚନା ଦେଇଛନ୍ତି।
