ଟିକାବାଲି ଏ, ଏମ,ସି, ଏସ ମହାବିଦ୍ୟାଳୟରେ ବାର୍ଷିକ କ୍ରୀଡା ଉତ୍ସବ ଉଦଯାପିତ…

କନ୍ଧମାଳ :- (ରିପୋର୍ଟ କୁନା ଦିଗାଲ )କନ୍ଧମାଳ ଜିଲ୍ଲା ଟିକାବାଲି ଏ, ଏମ,ସି, ଏସ ମହାବିଦ୍ୟାଳୟରେ ଅଧ୍ୟକ୍ଷ ଦୀନବନ୍ଧୁ ମହାନ୍ତିଙ୍କ ସଭାପତିତ୍ଵ ରେ ୩୭ ତମ ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ ହୋଇ ଯାଇଛି । ଏହି ଉତ୍ସବ ରେ ମୁଖ୍ୟ ଅତିଥି ଭାବେ ଟିକାବାଲି ପଞ୍ଚାୟତ ସମିତି ଅଧ୍ୟକ୍ଷ ଶ୍ରୀ ଦିଲ୍ଲୀପ କହଁର,ଯୋଗ ଦେଇ କ୍ରୀଡା ଉତ୍ସବ କୁ ଆରମ୍ଭ କରିଥିଲେ l କାର୍ଯ୍ୟକ୍ରମ ରେ ସମ୍ମାନିତ ଅତିଥି ଭାବେ ସାଂସଦ ପ୍ରତିନିଧି ଆମ କଲେଜ ପ୍ରାକ୍ତନ ଛାତ୍ର ଜିତେନ୍ଦ୍ର ଡାକୁଆ,ପ୍ରାକ୍ତନ ଛାତ୍ର ସୁଜିତ୍ ଦାସ ମୁଖ୍ୟ ବକ୍ତା ଭାବେ ରାଜ୍ୟ ହରିଜନ ସେଲ୍ ର ଉପସଭା ପତି ଶ୍ରୀ ରାମ ବିଶ୍ ଦିଗାଲ ଯୋଗ ଦେଇ ମାନସିକ ଓ ଶାରିରୀକ ସ୍ତରରେ ସୁସ୍ଥ ତା ପାଇଁ କ୍ରୀଡାର ଉପାଦେୟତା ଉପରେ ଆଲୋଚନା କରିଥିଲେ । ମହାବିଦ୍ୟାଳୟ ର କ୍ରୀଡା ଉପ ସଭାପତି ଅଧ୍ୟାପକ ନରେନ୍ଦ୍ର ଦିଗାଲ ଅତିଥି ପରିଚୟ ପ୍ରଦାନ କରିଥିବା ବେଳେ ଅଧ୍ୟାପକ ଶଙ୍କର ପାଢ଼ୀ ଓ ଅଧ୍ୟାପକ ରତନ ଦିଗାଲ କାର୍ଯ୍ୟକ୍ରମ କୁ ସୁନ୍ଦର ଭାବରେ ପରିଚାଳନା କରିଥିଲେ। ମହାବିଦ୍ୟାଳୟ ର ଖେଳ ଶିକ୍ଷକ ଶ୍ରୀ ସୁଶାନ୍ତ କୁମାର ଭୋଳ ଖେଳକୁ ସୁନ୍ଦର ଭାବେ ସମ୍ପାଦନା କରିଥିଲେ l କଲେଜ ର ଅଧ୍ୟାପକ,ଅଧ୍ୟାପିକା ଓ ସମସ୍ତ କର୍ମଚାରୀ ଯୋଗଦେଇ ସହଯୋଗ କରିଥିଲେ ।ସିନିୟର୍ ବାଳିକା ବିଭାଗରେ ଛାତ୍ରୀ ଅଞ୍ଜଳି କହଁର ବାଳକ ବିଭାଗରେ ଛାତ୍ର ଗୋଲକ ନାୟକ,ଜୁନିଅର ବିଭାଗରେ ଛାତ୍ରୀ ସୌମ୍ୟା ସାଗରିକା ନାୟକ ଛାତ୍ର ସର୍ଗମ୍ ଶେଖର ଦିଗାଲ ଚମ୍ପିୟାନ ହୋଇ ଥିଲେ । ଶେଷରେ ଖେଳ ରେ ଅଂଶ ଗ୍ରହଣ କରି ସଫଳତା ପାଇଥିବା ଛାତ୍ର ଛାତ୍ରୀଙ୍କୁ ଅତିଥି ବୃନ୍ଦ ପ୍ରମାଣ ପତ୍ର ସହିତ ପୁରସ୍କାର ପ୍ରଦାନ କରିଥିଲେ l