ଦୁଇଟି ଦୁର୍ଘଟଣାରେ ୪ ଆହତ, ଦୁଇ ଗୁରୁତର।
ଗଞ୍ଜାମ:ହିଞ୍ଜିଳି ଥାନା ଅର୍ନ୍ତଗତ ଶାରୁ ଛକ ଓ ଶିକିରି ଗ୍ରାମରେ ଦୁଇଟି ଦୁର୍ଘଟଣାରେ ୪ ଜଣ ଆହତ ହୋଇଥିବା ବେଳେ ସେଥିରୁ ଦୁଇ ଜଣ ଗୁରୁତର ଆହତ ହୋଇ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ସ୍ଥାନାନ୍ତରିତ ହୋଇଛନ୍ତି। ଘଟଣା ରୁ ପ୍ରକାଶ ଯେ ଦଣ୍ଡପାଣି ଦାସ ଓ କାହ୍ନା ଦାସ ଏକ ମୋଟରସାଇକେଲ ରେ ଯାଉଥିବା ବେଳେ ଶିକିରି ଗ୍ରାମ ଛକରେ ତାରାତାରିଣୀ ପଟୁ ଆସୁଥିବା ମାଲ୍ ବୋଝେଇ ଟ୍ରକ ସହିତ ମୁହାଁମୁହିଁ ଧକ୍କା ଫଳରେ ଉଭୟେ ଗୁରୁତର ଆହତ ହୋଇ ହିଞ୍ଜିଳି ଉପଖଣ୍ଡ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି ହୋଇଥିଲେ। କିନ୍ତୁ ଅବସ୍ଥା ଗୁରୁତର ହେବାରୁ ସେମାନଙ୍କୁ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଛି। ଅନ୍ୟପକ୍ଷରେ ଶାରୁ ଛକ ରେ ସୁକାନ୍ତି ନାୟକ ଓ ପପୁ ନାୟକ ମୋଟରସାଇକେଲ ରେ ବ୍ରହ୍ମପୁର ପଟେ ଆସୁଥିବା ବେଳେ ଏକା ମାଙ୍କଡ ତାଙ୍କ ଉପରକୁ ଡେଇଁ ପଡ଼ିବାରୁ ସେମାନେ ରାସ୍ତା ଉପରେ ଛିଟିକି ପଡ଼ି ଆହତ ହୋଇ ହିଞ୍ଜିଳି ଉପଖଣ୍ଡ ଡାକ୍ତରଖାନାରେ ଚିକିତ୍ସିତ ହେଉଛନ୍ତି।ରିପୋର୍ଟ :କୈଳାଶ ଚନ୍ଦ୍ର ଚୌଧୁରୀ!
