ପଞ୍ଚାୟତ ହାଇସ୍କୁଲ୍, ସାଲନା (ଖୁଣ୍ଟୁଲିପାଲି )୧୯୯୫ ମ୍ୟାଟ୍ରିକ୍ ବ୍ୟାଚ୍ ର ବନ୍ଧୁମିଳନ ହୋଇଯାଇଛି।
ବରଗଡ – (ଭବାନୀ ଶଙ୍କର ପାଢ଼ୀ) ବରଗଡ ଜିଲ୍ଲା ଭେଡେନ ପଂଚାୟତ ଉଚ୍ଚ ବିଦ୍ୟାଳୟ ସାଲନା ର ୧୯୯୫ ମ୍ୟାଟ୍ରିକ୍ ବ୍ୟାଚ୍ ର ବନ୍ଧୁମିଳନ ୨୯ ଡିସେମ୍ବର ୨୦୨୪ ରେ ହିରାକୁଦର ଜିରୋ ପଏଣ୍ଟ ରେ ଆୟୋଜିତ ହୋଇଥିଲା। ପ୍ରାୟ ୨୪ ଜଣ ପୂର୍ବ ଛାତ୍ର ଛାତ୍ରୀ ମାନେ ତାଙ୍କ ପରିବାର ସହିତ ବିଭିନ୍ନ ଦୂରଦୂରାନ୍ତରୁ ଆସି ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ।ଏହି ପୁନର୍ମିଳନୀ ଏକ ଆନନ୍ଦ ଦାୟକ ଅବସର ରହିଥିଲା, କାରଣ ବିଦ୍ୟାଳୟ ଶେଷ କରିବାର ପ୍ରାୟ ପାଖାପାଖି ୩୦ ବର୍ଷ ପରେ ଛାତ୍ର ଛାତ୍ରୀ ମାନଙ୍କର ପୁନଃସାକ୍ଷାତ ହୋଇଥିଲା । ସମସ୍ତେ ବିଦ୍ୟାଳୟ ଜୀବନର ମଧୁର ସ୍ମୃତିଗୁଡ଼ିକୁ ମନେପକାଇ ଭାବ ବିଭୋର ହୋଇଉଠିଥିଲେ l ସମସ୍ତେ ନିଜ ସ୍ବପ୍ନର ବିଦ୍ୟାଳୟ କୁ ପରିଦର୍ଶନ ପୂର୍ବକ ବିଦ୍ୟାଳୟ ର ଉତ୍ତରୋତ୍ତର ଉନ୍ନତି ପାଇଁ ଉଦ୍ୟମ କରିବାକୁ ସଂପୂର୍ଣ୍ଣ ସମ୍ମତି ଦେଲେ। ଏହି କାଯ୍ୟକ୍ରମକୁ ପୁରାତନ ଛାତ୍ର ଦେବେନ୍ଦ୍ର କୁମାର ପୁରୋହିତ, ଶଶାଙ୍କ ଶେଖର ପୁରୋହିତ ଓ ସୁବାଷ ଚନ୍ଦ୍ର ପୁରୋହିତ ତଥା ଅନ୍ୟାନ୍ୟ ବନ୍ଧୁ ମାନଙ୍କ ସହାୟତା ରେ ସଫଳତାର ସହିତ ଆୟୋଜନ କରିଥିଲେ l
