ବ୍ଲକ ସ୍ତରୀୟ ଚଇତି ଓ ଚଇତି କୋର କମିଟି ବୈଠକ ଅନୁଷ୍ଠିତ l
ରାୟଗଡ:ଜିଲ୍ଲା ଲୋକମହୋତ୍ସବ ଚଇତି ବ୍ଲକସ୍ତରୀୟ କାର୍ଯ୍ୟକ୍ରମ ନିମନ୍ତେ ଆଜି ଜିଲ୍ଲାପାଳ ଶ୍ରୀମତୀ ପାରୁଲ ପଟାୱରୀଙ୍କ ନେତୃତ୍ୱରେ ଆଜି ସ୍ଥାନୀୟ ସଦଭାବନା ସଭା ଗୃହରେ ଅନୁଷ୍ଠିତ ହୋଇଯାଇଛି l ଏହି ବୈଠକରେ ଅତିରିକ୍ତ ଜିଲ୍ଲାପାଳ ଭାସ୍କର ରଇତ, ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ତଥା କାର୍ଯ୍ୟ ନିର୍ବାହୀ, ଶ୍ରୀ ନିହାର ରଞ୍ଜନ କହଁର, ଜିଲ୍ଲାସଂସ୍କୃତି ଅଧିକାରୀ ସୁଶ୍ରୀ ସୁସ୍ମିତା ବାଉରୀ, ଅନ୍ୟାନ୍ୟ ଜିଲ୍ଲାସ୍ତରୀୟ ଅଧିକାରୀ, ଜିଲ୍ଲାର ସମସ୍ତ ଗୋଷ୍ଠୀ ଉନ୍ନୟନ ଅଧିକାରୀ ଆଦି ଯୋଗଦାନ କରି ଆଲୋଚନା କରିଥିଲେ l ଏଥିରେ ଆସନ୍ତା ୮ତlରୀଖରେ ପଦ୍ମପୁର ବ୍ଲକ ଅନ୍ତର୍ଗତ ମରିଚ ଗୁଡାରେ ଚଇତି ଶୁଭାରମ୍ଭ ଓ ପଦ୍ମପୁର ବ୍ଲକ ଚଇତି ଉଦଘାଟନ କାର୍ଯ୍ୟକ୍ରମ ବିଷୟରେ ଆଲୋଚନା କରାଯାଇଥିଲା l ସେହିପରି ରାମନାଗୁଡ଼ା ବ୍ଲକରେ ଡିସେମ୍ବର ୧୦ତାରିଖରେ, ରାୟଗଡା ବ୍ଲକରେ ଡିସେମ୍ବର ୧୧ତାରିଖରେ, ମୁନିଗୁଡା ବ୍ଲକରେ ଡିସେମ୍ବର ୧୨ତାରିଖରେ, କୋଳାନାରା ବ୍ଲକରେ ଡ଼ିସେମ୍ବର ୧୩ତାରିଖରେ, ଚନ୍ଦ୍ରପୁର ବ୍ଲକରେ ଡିସେମ୍ବର ୧୪ତାରିଖରେ, କାଶୀପୁର ବ୍ଲକରେ ଡିସେମ୍ବର ୧୭ତାରିଖରେ, ବିଷମ କଟକ ବ୍ଲକରେ ଡିସେମ୍ବର ୧୮ତାରିଖରେ, କଲ୍ୟାଣୀ ସିଂପୁରରେ ଡିସେମ୍ବର ୧୯ତାରିଖରେ, ଗୁଡ଼ାରୀ ବ୍ଲକରେ ଡିସେମ୍ବର ୨୦ତାରିଖରେ ଏବଂ ଗୁଣୁପୁର ବ୍ଳକ ଓ ପୌର ପରିଷଦରେ ଆସନ୍ତା ଇଡ଼ିଟାଲ ଚଇତି ଆସନ୍ତା ଡିସେମ୍ବର ୨୧ତାରିଖରୁ ୨୨ତାରିଖ ଦୁଇଦିନ ଧରି ଅନୁଷ୍ଠିତ ହେବ l ଏହାପରେ ବିଭିନ୍ନ ଉପସମିତିରେ ଅଧ୍ୟକ୍ଷ, ସହ ଅଧ୍ୟକ୍ଷ ଓ ଆବାହକଙ୍କ ନେଇ କୋର କମିଟି ବୈଠକ ଅନୁଷ୍ଠିତ ହୋଇଥିଲା l ଏଥିରେ ବିସ୍ତୃତ ଭାବରେ ଚଇତି ସମ୍ପର୍କରେ ଆଲୋଚନା କରାଯାଇଥିଲା lରାୟଗଡା ରୁ ଅମୁଲ୍ୟ ନିଶଙ୍କ ଙ୍କ ରିପୋର୍ଟ
