ଶଙ୍କରାଖୋଲ ମହାବିଦ୍ୟାଳୟ ରେ ଜିଲ୍ଲା ସ୍ତରୀୟ ଯୁବ ରେଡକ୍ରସ୍ ଶିବିର ପ୍ରସ୍ତୁତି ବୈଠକ ଅନୁଷ୍ଠିତ

ଶଙ୍କରାଖୋଲ ମହାବିଦ୍ୟାଳୟ ରେ ଜିଲ୍ଲା ସ୍ତରୀୟ ଯୁବ ରେଡକ୍ରସ୍ ଶିବିର ପ୍ରସ୍ତୁତି ବୈଠକ ଅନୁଷ୍ଠିତ ..

କନ୍ଧମାଳ :- (ରିପୋର୍ଟ କୁନା ଦିଗାଲ ) ଚକାପାଦ ବ୍ଲକ ଅନ୍ତର୍ଗତ ଶଙ୍କରାଖୋଲ ଗ୍ରାମପଞ୍ଚାୟତ ନିକଟରେ ଥିବା ଆଞ୍ଚଳିକ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ଜିଲ୍ଲା ସ୍ତରୀୟ ଯୁବ ରେଡକ୍ରସ୍ ଅଧ୍ୟୟନ ଓ ପ୍ରଶିକ୍ଷଣ ଶିବିର ଆୟୋଜନ ନିମନ୍ତେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମ କୁ ମହାବିଦ୍ୟାଳୟ ର ଅଧ୍ୟକ୍ଷ ଡଃ. ସନ୍ତୋଷ କୁମାର ପ୍ରଧାନଙ୍କ ଅଧ୍ୟକ୍ଷତାରେ ଆୟୋଜିତ ପ୍ରସ୍ତୁତି ବୈଠକ ହୋଇଥିଲା l ଏହି କାର୍ଯ୍ୟକ୍ରମ ରେ ଜିଲ୍ଲା ଯୁବ ରେଡକ୍ରସ କମିଟିର ଚେୟାରମେନ ତଥା ସରକାରୀ ସ୍ଵୟଂଶାସିତ ମହାବିଦ୍ୟାଳୟର ଅଧ୍ୟକ୍ଷ ଡଃ ସୁବାସ ଚନ୍ଦ୍ର ପ୍ରଧାନ, ପୂର୍ବତନ ସଂଯୋଜକ ଡଃ ସୁକାନ୍ତ କୁମାର ବେହେରା ,ସଂଯୋଜକ ଡଃ ଅଭିପ୍ସା ବଳ ,ବିଦ୍ୟାଳୟର ବରିଷ୍ଟ ଅଧ୍ୟାପକ ଡଃ ବାବୁଲା ପତାଯୋଷି , ଶ୍ରୀ ରମକୃଷ୍ଣ ମହାନ୍ତି ଓ ସଂଯୋଜକ ଶ୍ରୀ ଶିବରାମ ବେହେରା ଯୋଗଦେଇଥିଲେ । ଏହି ପ୍ରସ୍ତୁତି ବୈଠକରେ ଆଲୋଚିତ ହୋଇଥିବା ପ୍ରମୁଖ ବିଷୟ ଗୁଡ଼ିକ ମଧ୍ୟରେ ଥିଲା ରିଶୋର୍ସ ପର୍ସନ, ଅତିଥି ଓ ପଦସ୍ଥ ଅଧିକାରୀଙ୍କ ନିମନ୍ତ୍ରଣ ଅଂଶ ଗ୍ରହଣ କରୁଥିବା ଶିକ୍ଷାନୁଷ୍ଠାନ ,ଜଳଖିଆ ଓ ଭୋଜନ ବ୍ୟବସ୍ଥା ,ରହିବା ବ୍ୟବସ୍ଥା , ଆୟୋଜିତ ହେବାକୁଥିବା ବିଭିନ୍ନ ତାଲିମ କାର୍ଯ୍ୟକ୍ରମ ସାହିତ୍ୟିକ ଓ ସାଂସ୍କୃତିକ କାର୍ଯ୍ୟକ୍ରମ । ଯୁବ ରେଡକ୍ରସ୍ ଅଧିକାରୀ ମାନେ ବିଭିନ୍ନ ଶ୍ରେଣୀଗୃହ ପରିଦର୍ଶନ କରିବା ସହିତ ପୂର୍ବ ନିର୍ଦ୍ଧାରିତ ତିନିଦିନିଆ କାର୍ଯ୍ୟକ୍ରମ (୨୪ ରୁ ୨୬ November) କୁ କିଭଳି ଶୃଙ୍ଖଳିତ ଓ ସୁବ୍ୟବସ୍ଥିତ ଭାବରେ ଆୟୋଜନ କରାଯାଇପାରିବ ସେଥିପ୍ରତି ପୁଙ୍ଖୁନାପୁଙ୍କ ଭାବରେ ଆଲୋଚନା କରିଥିଲେ l ମହାବିଦ୍ୟାଳୟ ରେ ଆବଶ୍ୟକୀୟ ପ୍ରସ୍ତାବ ମଧ୍ୟ ପ୍ରଦାନ କରିଥିଲେ। ପରିଶେଷରେ ସଂଯୋଜକ ଶ୍ରୀ ଶିବରାମ ବେହେରା ସମସ୍ତଙ୍କୁ ଧନ୍ୟବାଦ୍ ଅର୍ପଣ କରିଥିଲେ l