ଶିକରପାଇ ସରକାରୀ ଉଚ୍ଚ ବିଦ୍ୟାଳୟରେ ବାର୍ଷିକ କ୍ରୀଡ଼ା ଉତ୍ସବ ୨୦୨୪
ରାୟଗଡା : ରାୟଗଡା ଜିଲା କଲ୍ୟାଣସିଂହପୁର ବ୍ଲକ ଶିକରପାଇ ସରକାରୀ ଉଚ୍ଚ ବିଦ୍ୟାଳୟ ରେ ମହା ଆଡ଼ମ୍ବରରେ ବାର୍ଷିକ କ୍ରୀଡା ଉତ୍ସବ ଉଦ୍ଘାଟନ ହୋଇଛି । ଏହି ଉତ୍ସବରେ ମୁଖ୍ୟ ଅତିଥି ଭାବେ ସ୍ଥାନୀୟ ପ୍ରାଥମିକସ୍ୱାସ୍ଥ୍ୟ କେନ୍ଦ୍ରର ଡାକ୍ତର ସୌମ୍ୟ ରଞ୍ଜନ କର ଙ୍କ ଦ୍ୱାରା ମସାଲ କୁ ସ୍ୱାଗତ କରି ରିବନ କଟାଯାଇ ଉଦଘାଟନ କରାଯାଇଛି । ଭକ୍ତ କ୍ରୀଡ଼ା ଉତ୍ସବରେ ବିଦ୍ୟାଳୟର ପ୍ରଧାନ ଶିକ୍ଷକ ରଞ୍ଜୀତ କୁମାର ଗିରି ସଭାପତିତ୍ବ ଥିବା ବେଳେ ବିଦ୍ୟାଳୟର ମୋ ସ୍କୁଲର ସଭାପତି ତଥା ବିଶିଷ୍ଠ ଠିକାଦାର ଈଶ୍ଵର ଗୋପାଲଚେଟୀ, ବିଦ୍ୟାଳୟର ଏସ ଏମ୍ ସି ସଭାପତି ସୁନିତା ଲେଙ୍ଗ୍ରି , ଉପସଭାପତି ତଥା ବ୍ଲକ ଉପାଧ୍ୟକ୍ଷ ଡମ୍ବରୁ କଞ୍ଜାକା ଉପସ୍ଥିତ ରହିଥିଲେ । ତତ୍ ସହ ଏହି କାର୍ଯ୍ୟକ୍ରମର ମୁଖ୍ୟ ପୁରଧା ବିଦ୍ୟାଳୟର କ୍ରୀଡା ଶିକ୍ଷକ ସାଇଜ୍ୟୋତି ବେହେରା ସହଯୋଗରେ ତାପସ କୁମାର ଦଳାଇ , ବସନ୍ତ କୌଶଲ୍ୟା, ଈଶ୍ଵର ମାଣ୍ଡାଙ୍ଗି,ସିଦ୍ଧାନ୍ତ କୁଲି ସିକା,ରାକେଶ ତାରିଣୀ, ସୋନିଆ ଦିପ୍, ମମତା ନନ୍ଦ, ସନ୍ତୋଷ ମହାରଣା, ସୁବ୍ରତ ଖୋସଲା, ଜିତ୍ରେନ୍ଦ୍ର ମାଲେଟି,ଜି.ମୁରଲୀ ମୋହିନୀ ଉପସ୍ଥିତି ରହି କାର୍ଯ୍ୟକ୍ରମ ଟିକୁ ଆରମ୍ଭ କରିଥିଲେ । ଛାତ୍ର ଛାତ୍ରୀ ମାନଙ୍କୁ ନେଇ ତିନିଦିନ ମଧ୍ୟରେ ବିଭିନ୍ନ (ଖେଳ) କ୍ରୀଡ଼ା ଆୟୋଜନ କରାଯାଉଅଛି । ମସାଲ୍ ଶୋଭା ଯାତ୍ରା ଟି ସିକରପାଇ ର ଅଧିଷ୍ଠାତ୍ରୀ ଦେବୀ ମାଁ ମୁତ୍ୟାଲୁମାଠାରୁ ପୂଜାର୍ଚ୍ଚନା କରି ଅଣାଯାଇଥିଲା ପିଲାଙ୍କର ଖେଳ ହେବା ପୂର୍ବରୁ ଶିକ୍ଷାର୍ଥୀଙ୍କ ଦ୍ଵାରା ଆରୋବିକ୍ ନୃତ୍ୟ ପରିବେଷଣ କରାଯାଇଥିଲା । କ୍ରୀଡା ର ଶେଷ ଦିବସ ରେ ପୁରସ୍କାର ବିତରଣ କାର୍ଯ୍ୟକ୍ରମ କରାଯିବ ।ରାୟଗଡା ରୁ ଅମୁଲ୍ୟ ନିଶଙ୍କ ଙ୍କ ରିପୋର୍ଟ
