ଇମ୍ଫା ପ୍ରକଳ୍ପର ୬୩ ତମ ବାର୍ଷିକୋତ୍ସବ  ମହାସମାରୋହରେ ପାଳିତ ।

ଇମ୍ଫା ପ୍ରକଳ୍ପର ୬୩ ତମ ବାର୍ଷିକୋତ୍ସବ  ମହାସମାରୋହରେ ପାଳିତ ।ରାୟଗଡା : ରାୟଗଡ଼ା ଜିଲ୍ଲା କୋଲନରା ବ୍ଲକ ଥେରୁବାଲିରେ ପ୍ରଗତି ଓ ସଫଳତାର 63 ବର୍ଷ ପାର କରି,ଇମ୍ଫା-ଥେରୁବାଲି  ଠାରେ ୨୬ ନଭେମ୍ବର ୨୦୨୪ ରେ, ଏହାର  ୬୩ତମ ପ୍ରତିଷ୍ଠା ଦିବସ ଖୁବ ଆନନ୍ଦ ଉଲ୍ଲାସ ର ପାଳିତ ହୋଇଥିଲା। ସଂଯୋଗ କ୍ରମେ ଆଜି ଇମ୍ଫାର ପ୍ରତିଷ୍ଠାତା ସ୍ଵର୍ଗତ ଡକ୍ଟର ବଂଶୀଧର ପଣ୍ଡାଙ୍କ ଶୁଭ ଜନ୍ମ ତିଥି । ଆଜିର ଏହି କାର୍ଯ୍ୟକ୍ରମ ଇମ୍ଫା ପରିବାର ଓ ଥେରୁବାଲି ବାସୀଙ୍କର ହୃଦୟକୁ ଛୁଇଁ ପାରିଥିଲା । ଦିନ ୧୦.୩୦ ଘଣ୍ଟ ସମୟରେ ଶ୍ରୀ ଶ୍ରୀ ଲକ୍ଷ୍ମୀ ନାରାୟଣ ମନ୍ଦିର ପ୍ରାଙ୍ଗଣରେ ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଥେରୁବାଲି ଅଞ୍ଚଳର ୩୦୦ ରୁ ଉର୍ଦ୍ଧ ବୃଦ୍ଧ / ବୃଦ୍ଧା ମାନଙ୍କୁ ଶୀତବସ୍ତ୍ର ବଣ୍ଟନ କରିବା ସହିତ, ୩ ଜଣ ଶାରୀରିକ ବିକଳାଙ୍ଗ ସ୍ଵବଲମ୍ବୀ କ୍ଷୁଦ୍ର ବ୍ୟବସାୟୀ ଯଥା ଇସ୍ରାପୁ ଅମାଝୀ, ଲେଂକା ଗୀତା ଓ ପଦ୍ମା କିଶୋର ମାଜି ଙ୍କୁ ଓ ଦୁର୍ଘଟଣାରେ ଗୋଟିଏ ଗୋଡ ହରେଇଥିବା ଶ୍ରୀମାନ ଚନ୍ଦ୍ରଶେଖର ପ୍ରଧାନୀଙ୍କୁ  ଏକ ବ୍ୟାଟରୀ ଚାଲିତ ତିନି ଚକିଆ ମୋଟର ସାଇକଲ ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମରେ ଇମ୍ଫା ଶିଳ୍ପ ଗୋଷ୍ଠୀର ବରିଷ୍ଠ ଉପସଭାପତି ତଥା ବ୍ୟବସାୟିକ ମୁଖ୍ୟ ଶ୍ରୀମାନ ସୁରେଶ ବାବୁ , ମୁଖ୍ୟ ଅତିଥି ଓ ଶ୍ରୀମାନ ଆଶିଷ କୁମାର ରାୟ, ଇମ୍ଫା ଥେରୁବାଲି ର ଉପସଭାପତି ତଥା ମୁଖ୍ୟ କାର୍ଯ୍ୟ ନିର୍ବାହୀ ସମ୍ମାନୀୟ ଅତିଥି ଭାବେ ଯୋଗ ଦେଇଥିଲେ । ଇମ୍ଫାର ସମସ୍ତ ବିଭାଗୀୟ ମୁଖ୍ୟ, ସ୍ଥାନୀୟ ଗ୍ରାମ ପଞ୍ଚାୟତ ର ସରପଞ୍ଚ ବୃନ୍ଦ , ପଂଚାୟତ ସମିତି ଉପାଧକ୍ଷ୍ୟ , ସମିତି ସଭ୍ୟ , ସଭ୍ୟା , ଓ ସ୍ଥାନୀୟ ନିମନ୍ତ୍ରିତ ମାନ୍ୟଗଣ୍ୟ ଭଦ୍ରବ୍ୟକ୍ତିମାନେ ଓ ସ୍ଵେଚ୍ଛାସେବୀ ଗଣ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମକୁ ଶ୍ରୀମାନ ସମୀର କୁମାର ରାଉତ, ଉପମୁଖ୍ୟ ପରିଚାଳକ (ମାନବ ସମ୍ବଳ ଓ ପ୍ରଶାସନ ) ସଂଯୋଜନା କରିଥିଲେ । ଲୋକ ସମ୍ପର୍କ ବିଭାଗ , କାର୍ମିକ ଓ ସାଧାରଣ ପ୍ରଶାସନିକ  ବିଭାଗ,ବଂଶୀଧର ଓ ଈଲା ପଣ୍ଡା ଫାଉଣ୍ଡେସନ କର୍ମକର୍ତ୍ତା ମାନେ ଏହି କାର୍ଯ୍ୟକ୍ରମ  ପରିଚାଳନା କରିଥିଲେ । ସମସ୍ତ ନିମନ୍ତ୍ରିତ ଅତିଥି , ପଂଚାୟତରାଜ ପ୍ରତିନିଧି ମାନେ ଇମ୍ଫାର ଏହି ବଦାନ୍ୟତାକୁ ସମର୍ଥନ କରିବା ସହ  ଓ ଧନ୍ୟବାଦ ଜଣାଇଥିଲେ।ସନ୍ଧ୍ୟା ଘ ୪. ୩୦ମି  ସମୟରେ ଇମ୍ଫା ପରିସର ମଧ୍ୟରେ ୬୩ତମ ପ୍ରତିଷ୍ଠା ଦିବସ ପାଳନ ହୋଇଥିଲା । ଏହି ସମାରୋହରେ ଦୀର୍ଘ କାଳୀନ ସେବା ପ୍ରଦାନ କରିଥିବା ଶ୍ରମିକ ଓ କର୍ମଚାରୀମାନଙ୍କୁ ଉପହାର ଓ ମାନପତ୍ର ଦେଇ ସମ୍ମାନିତ କରାଯିବା ସହ , ଆମ ଅଞ୍ଚଳ ବିଦ୍ୟାଲୟ ମାନଙ୍କରେ ଦଶମ ଶ୍ରେଣୀ ବୋର୍ଡ ପରୀକ୍ଷାରେ ସର୍ବୋଚ୍ଚନମ୍ବର ରଖି କୃତିତ୍ଵ ଅର୍ଜନ କରିଥିବା ଛାତ୍ର ଛାତ୍ରୀ ମାନଙ୍କୁ ଶିକ୍ଷାବୃତ୍ତି ପ୍ରଦାନ କରାଯାଇଥିଲା । ଇମ୍ଫା ୬୩ତମ ପ୍ରତିଷ୍ଠା ଦିବସ ଉପଲକ୍ଷେ ଅନ୍ତଃବିଭାଗୀୟ କୁଞ୍ଜବିହାରୀ ଭଲିବଲ ଟୁର୍ଣ୍ଣାମେଣ୍ଟ ଆୟୋଜିତ ହୋଇଥିଲା ବିଜେତା ଓ ଦ୍ଵିତୀୟ ସ୍ଥାନ ପାଇଥିବା ଦଳକୁ ପୁରସ୍କୃତ କରାଯାଇଥିଲା ।  କାରଖାନା ପରିସରରେ ଆୟୋଜିତ ଏହି କାର୍ଯ୍ୟକ୍ରମରେ  ଇମ୍ଫା ଶିଳ୍ପ ଗୋଷ୍ଠୀର ବରିଷ୍ଠ ଉପସଭାପତି ତଥା ବ୍ୟବସାୟିକ ମୁଖ୍ୟ ଶ୍ରୀମାନ ସୁରେଶ ବାବୁ , ମୁଖ୍ୟ ଅତିଥି ଓ ଶ୍ରୀମାନ ଆଶିଷ କୁମାର ରାୟ, ଇମ୍ଫା ଥେରୁବାଲି ର ଉପସଭାପତି ତଥା ମୁଖ୍ୟ କାର୍ଯ୍ୟ ନିର୍ବାହୀ ସମ୍ମାନୀୟ ଅତିଥି ଭାବେ ଯୋଗ ଦେଇଥିଲେ। ଇମ୍ଫାର ଶ୍ରମିକ , କର୍ମଚାରୀ , ବିଭିନ୍ନ ବିଭାଗର ଅଧିକାରୀ ଓ ସେମାନଙ୍କର ପରିବାର ବର୍ଗ ଉପସ୍ଥିତ ରହି ସମସ୍ତ କୃତୀ ବ୍ୟକ୍ତି ମାନଙ୍କୁ ଉତ୍ସାହିତ  କରିଥିଲେ । ଏହି କାର୍ଯ୍ୟକ୍ରମକୁ ଶ୍ରୀମାନ ସମୀର କୁମାର ରାଉତ, ଉପମୁଖ୍ୟ ପରିଚାଳକ (ମାନବ ସମ୍ବଳ ଓ ପ୍ରଶାସନ ) ସଂଯୋଜନା କରିଥିଲେ । କାର୍ମିକ ବିଭାଗର ସହକାରୀ ପରିଚାଳକ ଶ୍ରୀମାନ ଶୋଭନ ଲେଙ୍କା  , ଲୋକ ସମ୍ପର୍କ  ଓ ସାଧାରଣ ପ୍ରଶାସନ ବିଭାଗର କର୍ମକର୍ତ୍ତା ମାନେ ଏହି କାର୍ଯ୍ୟକ୍ରମ  ପରିଚାଳନା କରିଥିଲେ । ପରିଶେଷରେ ଉପସ୍ଥିତ ସମସ୍ତ ବ୍ୟକ୍ତିଙ୍କୁ ଜଳ ଯୋଗରେ ଆପ୍ୟାୟିତ କରାଯାଇଥିଲା । ଏହି ଦିନଟି ଇମ୍ଫାର ସମସ୍ତ ଶ୍ରମିକ ଓ କର୍ମଚାରୀ ମାନଙ୍କ ମଧ୍ୟରେ ଏକ ଉତ୍ସାହ , ଉଦ୍ଦୀପନା ଓ ନୂତନ ଗର୍ବର ଅନୁଭବ ପ୍ରଦାନ କରିଥିଲା।ରାୟଗଡା ରୁ ଅମୁଲ୍ୟ ନିଶଙ୍କ ଙ୍କ ରିପୋର୍ଟ