ଗ୍ରାମରେ ବାଘ ପଶି ଗୋଟିଏ ଗଇକୁ ମାରି ଖାଇଦେଇଥିବାର ଜଣାପଡିଛି ।

ଗଜପତି ଜିଲ୍ଲା ଗୋଷାଣି ବ୍ଳକ ସବୋରା ପଞ୍ଚାୟତର ଅନ୍ଧାରୀଝୋଲା ଗ୍ରାମରେ ବାଘ ପଶି ଗୋଟିଏ ଗଇକୁ ମାରି ଖାଇଦେଇଥିବାର ଜଣାପଡିଛି । ଗାଇଟି ଅନ୍ଧାରଝୋଲା ଗ୍ରାମର ଜାକୋବ ଶବରଙ୍କ ବୋଲି ଜଣାପଡିଛି । ଜାକୋବ ଶବର ଯିଏକି ବନବିଭାଗର ଓ୍ବାଚ୍ ମ୍ୟାନ୍ ଭାବେ କାର୍ଯ୍ୟ କରୁଥିବାର ଜଣାପଡିଛି । ଏନେଇ ଗ୍ରାମବାସୀ କହିଛନ୍ତି ଯେ ଜାକୋବଙ୍କ ଘର ନିକଟରେ ଥିବା ଗୁହାଳରେ ବନ୍ଧାଯାଇଥିବା ଗାଇଟିକୁ ପ୍ରାୟ ୫୦ ମିଟର ଦୂରକୁ ନେଇ ମାରି ଖାଇଦେଇଛି । ଘଟଣା ସମ୍ପର୍କରେ ବନବିଭାଗ ଖବର ପାଇ ଅନୁସନ୍ଧାନ କରୁଛନ୍ତି । ପ୍ରକାଶ ଯେ ଗତ କାଲି ଗୋଷାଣି ବ୍ଳକର ସାତମାଇଲ ଛକ ଗ୍ରାମଞ୍ଚଳରେ ବାଘର ପାଦ ଠାବ କରାଯାଇଥିଲା । ଏନେଇ ବନବିଭାଗ ତରଫରୁ ବାଘର ଗତିବିଧି ଉପରେ ନଜର ରଖାଯାଇ ଜନସାଧାରଣଙ୍କୁ ସଚେତନତା କରାଯାଇଛି । ତେବେ ଆଜି ଅନ୍ଧାରୀଝୋଲ ଗ୍ରାମାଞ୍ଚଳରେ ବାଘ ଗାଇକୁ ମାରି ଖାଇଦେଇଥିବା ଯୋଗୁଁ ଅଞ୍ଚଳରେ ବାଘ ଆତଙ୍କକୁ ନେଇ ଭୟଭୀତ ହୋଇପଡଛନ୍ତି ଗ୍ରାମବାସୀ ।