ମହିଳାଙ୍କୁ ବଳାତ୍କାର ଓ ସ୍ବାମୀ କୁ ହତ୍ୟା ଉଦ୍ୟମ ଅଭିଯୋଗ ପୂର୍ବତନ ସରପଞ୍ଚ ଦୁଇ ପୁଅଗିରିଫ।
ଗଞ୍ଜାମ:ଆସ୍କା ଥାନା ଅର୍ନ୍ତଗତ ପିତ୍ତଳ ସନ୍ତୋଷ ପୁର ଗ୍ରାମ ର ବିଷ୍ଣୁ ପ୍ରିୟା ସ୍ୱାଇଁ ନାମ୍ନି ଜଣେ ମହିଳା ଉତ୍ତରେଶ୍ୱର ମନ୍ଦିର କୁ ଯାଇଥିବାବେଳେ ପୂର୍ବତନ ସରପଞ୍ଚ କୃଷ୍ଣ ଚନ୍ଦ୍ର ମଳିକ ମହିଳାଙ୍କୁ ଅଶ୍ଲୀଳ ଆଚରଣ କରି ତାଙ୍କୁ ଦୁଷ୍କର୍ମ ଉଦ୍ୟମ କରୁଥିଲାବେଳେ ସ୍ଥାନୀୟ ଲୋକେ ସେଠାରେ ପହଞ୍ଚି ଯିବାରୁ ସେ ପଳାଇଥିଲା। ପରେ ମହିଳା ଜଣକ ତାଙ୍କ ସ୍ୱାମୀ ରଞ୍ଜନ ସ୍ୱାଇଁ ,ଭାଇ ବନମାଳୀ ସ୍ୱାଇଁ ଓ ବାପା ପାଣ୍ଡବ ସ୍ୱାଇଁଙ୍କୁ କହିଥିଲେ । ପରିବାର ଲୋକେ କୃଷ୍ଣ ମଳିକ ପାଖକୁ ଯାଇ ଏହି ବିଷୟରେ ପଚରା ଉଚୁରା କରି ଥିଲେ। ଏଥିରେ କ୍ଷୁବ୍ଧ ହୋଇ ପୂର୍ବ ତନ ସରପଞ୍ଚ କୃଷ୍ଣ ଓ ତାକଂର ଦୁଇ ପୁଅ କାଳି ଚରଣ ଓ ବଳିଆ ଲୁହାରଡଓ ଭୂଜାଲିଧରି ରଂଜନ ସ୍ବାଇଁ ବଜାର ରେ ଥିବା ବେଳେ ତାଙ୍କ ଉପରେ ମରଣାନ୍ତକ ଆକ୍ରମଣ କରି ଛନ୍ତି ।ଫଳରେ ରଂଜନ ଗୁରୁତର ଆହତ ହେବାରୁ ସ୍ଥାନୀୟ ଲୋକେ ପିତ୍ତଳ ଡାକ୍ତର ଖାନା ରେ ଚିକିତ୍ସା ପାଇଁ ଭର୍ତ୍ତି କରିଥିଲେ । ସେଠାରେ ପରିସ୍ଥିତି ଗୁରୁତର ଥିବାରୁ ଅଧିକ ଚିକିତ୍ସା ପାଇଁ ତାକୁଂ ବ୍ରହ୍ମପୁର ବଡଡାକ୍ତର ଖାନା କୁ ପଠାଯାଇଛି । ଘଟଣା ସଂପର୍କରେ ବିଷ୍ଣୁ ପ୍ରିୟାଙ୍କ ଅଭିଯୋଗ କୁ ଭିତ୍ତି କରି ଆସ୍କା ପୁଲିସ୍ ଘଟଣାର ତଦନ୍ତ କରିବା ସହ ପୂର୍ବତନ ସରପଞ୍ଚ ଓ ତାଙ୍କ ଦୁଇପୁଅଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି।
